ABOUT US 關於我們
SHOWCASE 作品集
WOOD CARVING PROGRAM 木彫研修班
WORKSHOPS 木雕工作坊
EDUCATION 教育
CORPORATE & EVENTS 公司活動
BLOG 部落格
More
大部份睇呢類展覽嘅人係唔會睇晒啲字,呢個亦有可能係最唔關事嘅介紹。 首先,你望一望隻貓個樣。 當初揀木雕係出於好奇,想試下玩,想要比較完整咁去學,所以就揀左研修班。一開始時無咩目 標,唔知整咩好,講真連我自己都唔知道我想雕啲咩,總之開始左先啦,之後就係咁樣開始左, 我 相信到時就會有意念。到木雕塑創作階段,依然無咩特別嘢想整,本來就要上堂前同導師傾好,要有埋圖同相,終於到咗上堂果日,見住其他人都好似好有諗法,但我都係唔知整乜好。好啦,因為我有養貓,不如就整隻貓啦,隨手喺教室拎隻貓嘅公仔就話開始了。 到決定左做咩後,我以為即係可以拎舊木去彫啦,點之原來要先捏塑,再畫施工圖。由於我又無學過素描同捏塑之類嘅野,唯有用相對比較長時間去慢慢去攪。過程中我亦有返屋企去觀察下我隻貓嘅形態,例如隻腳係點,隻手個構造係點,個肉球係點等等。 由於係好隨意咁開始,原本就係跟教室拎果隻貓公仔個樣雕嘅,但雕到一半又想跟返自己屋企隻貓去做。就喺呢個一時跟幅圖,一時跟自己諗法嘅情況下交去雕,雕得慢之餘,到中段嘅時候,仲雕到古古怪怪咁,貓唔似貓,反而似成熊。跟手再去睇下其他同學,一睇之下,更不得之了,