同預期一樣，有幸運時，有唔順時，有努力時，有快樂時。
一步一步，點滴而成。
喺有同行者幫助之下，同合適時候，展覽就出世啦。
我地最開心展覽出現係因為見到各位研修班同學咁俾心機雕好作品，好想有一個平台俾更多人見到呢啲值得一望再細望嘅作品，鼓勵大家繼續創作：）
好多人都唔知道，原來香港容納到呢種工藝，以呢種方式出現。真係有一班有心人選擇將工餘時間，花喺同木雕相處上。
準備展覽時段，同學一齊向住同一個目標努力，都幾開心架！情況好似以前一齊趕功課咁樣，唔同嘅係，並唔係為左交功課架。
每一件作品我地一齊摸索，最後見到每一段作品簡介，令我地更加認識你地每一位。
對我地黎講，增加左一次寶貴經驗同回憶。
講到好似完左咁，但其實係岩岩開始，可惜宜家疫情有啲嚴重。
Ground Labs 已經有先見之明，兩手準備，一早拍好左個360 全視線Online Gallery，等展覽可以實體配合網絡一齊發佈。 我地都會喺Facebook同website繼續介紹同學作品。
今年唔知下年事，宜家做左呢件事，我地覺得幸運又值得。